Ыам ыйын 8 күнүгэр олохтоох култуура дьиэтигэр тыыл ветераннарыгар, сэрии сылын оҕолоругар, 70-тан үөһээ саастаах ытык дьоннорбутугар, Улуу кыайыы күнүнэн, «Эҕэрдэ, эйиэхэ, Ветеран!»  бырааһынньыктааҕы сандалы тула истиҥ эҕэрдэлээх тэрээһин буолан ааста.

Эҕэрдэ тылларын тириэртилэр «Хорообут нэһилиэгэ» тыа сирин түөлбэтин баһылыга Гаврил Юрьевич Бродников, «Ветеран» түмсүү сал. Т. Н. Тролукова, Дмитрий Таас аат. орто оскуола директора В. П. Иванов, норуот айымньытын дьиэтин директора А. И. Пинигин, «Алаас-Ас» СХПК сал. С.Г. Шестаков, «Почта России» сал. А.С. Баишева

«Эҕэрдэ, эйиэхэ, Ветеран!»  бырааһынньыктааҕы сандалы тула истиҥ эҕэрдэлээх тэрээһини эҕэрдэ нүөмэрдэринэн киэргэтэн, ситэрэн-хоторон биэрдилэр: «Күннээйик» үҥкүү бөлөҕө, «Сандаара» дьахталлар ансаамбыллара.

Ытык-мааны ветераннарбыт сандалы тула олорон, ирэ-хоро кэпсэтэн, уруккуну ахтыһан, ырыа ыллаан, дуоһуйа сынньанан, үөрэн-көтөн тарҕастылар.