Кыайыы кэлэрин туһугар сырдык тыыннарын толук уурбут дьоммутун кэриэстиир Бүтүн Арассыыйатааҕы көлүөнэлэри ситимниир “Өлбөт үйэлээх полк” сэлэлээн хаамыы өрө көтөҕүллүүлээхтик буолла. Эһэлэрин, эбэлэрин, абаҕаларын, таайдарын мэтириэттэрин туппут эдэр көлүөнэ дьоҥҥо киэн туттуу, эмиэ да үөрүү, эмиэ да курус санаа аргыстаһар.

Бастакы холуоннаҕа Дмитрий Таас  аатынан орто оскуола  байыаннай-патриотическай кулуубун иитиллээччилэрэ Юрий Жирков,  Айхаан Мачахтыров, Михаил Тастыгин, Николай Курилкин, Снежанна Маркова, Ньургустана Саввина сал. Андреев Н.П., «Күнчээн» оҕо уһуйаанын кырачаан иитиллээччилэрэ сал. Плотникова Ф.А., Дмитрий Таас аатынан орто оскуола үөрэнээччилэрэ, учууталлара сал. Иванов В.П., Нэһилиэк тэрилтэлэрэ, үлэ бэтэрээннэрэ, олохтоохторо хаамтылар.

Улуу Кыайыы 81 сылыгар аналлаах миитиҥҥэ тыл эттилэр «Хорообут нэһилиэгэ» тыа сирн түөлбэтин баһылыга Гаврил Юрьевич Бродников, «Ветеран» түмсүү салайааччыта Татьяна Николаевна Тролукова.

Бүгүҥҥү сырдык халлаан туһугар олохторун толук уурбут, Улуу Кыайыыны уһансыбыт дьоммутунан киэн туттабыт, сүгүрүйэбит. Кинилэр хорсун быһыыларын, үтүө ааттарын үйэтитэр ытык иэстээхпит.

Ким да умнуллубат, туох да умнуллубат!