Мэҥэ — Хаҥалас улууһугар 55-тэн өрө саастаах эр дьоҥҥо КМО — нан 2025 сылтан ыытыллар эр дьон күрэхтэһиитэ муус устар 16 күнүгэр Хорообукка түөрт нэһилиэги түмэн ыытылынна. Баатара, Бастакы Баатара, Мэлдьэхси, Хорообут нэһилиэктэрин бэтэрээн спортсменнара мустан көхтөөхтүк кытыннылар. Ыалдьыттары Хорообут нэһилиэгин «Арчы» түмсүү (сал.Т. Тролукова) далбар хотуттара арчылаан, алаадьынан айах тутан көрүстүлэр. Олохтоох дьаһалтаттан баһылык солбуйааччыта Тамара Николаевна Семёнова, улуус ытык сүбэтин салайааччыта Зиновий Иванович Игнатьев, кылаабынай судьуйа Дмитрий Николаевич Сидоров , «Күннээйик» үҥкүү бөлөҕө (сал.Н.М. Брызгалова) оҕо сааһы санатар «Саһыахай» үҥкүүлэринэн , мелолист, ырыаһыт Петр Сергучёв истиҥ ырыатынан эҕэрдэлээтилэр. Күрэхтэһии үөрүүлээх чааһын норуот айымньытын дьиэтин директора А. И. Пинигин иилээн-саҕалаан ыытта.

Спортсменнар дарстка, салгын саатынан ытыыга, остуол тенниһигэр күрэхтэстилэр. Салгыы «Эр киһи саҥата» диэн төгүрүк остуолу Зиновий Иванович, айылҕа харыстабылын сүрүннүүр специалиһа Андрей Никитин, улууска дарст көрүҥүн көҕүлээччи Евгений Птицын, ветеран спортсмен Дмитрий Сидоров ыыттылар. Бэрт сэргэх кэпсэтии, санаа атастаһыыта буолла. Алгысчыт түсчүт Зиновий Иванович мустубут эр дьоҥҥо, нэһилиэк олохтоохторугар сахалыы сиэри — туому билиһиннэрдэ, алгыс оҥордо. Түмүккэ күрэхтэһии түмүгүн таһаарыы буолла. Үс көрүҥҥэ кыайан 3 очколаах Хоробут *бастаата* кубогы иккис сылын ылары ситистэ. Бэтэрээн сэбиэтин бэрэссэдээтэлэ Т. Н. Тролукова. *Иккис миэстэҕэ* А. Г. Игнатьева бэрэссэдээтэллээх Мэлдьэхси нэһилиэгэ, *Үһүскэ* Евдокия Михайловна Никифорова бэрэс-х Баатара нэһиликтэрэ таҕыстылар. Кыайыылаахтар улуустааҕы бэтэрээн сэбиэтэ сал.Евдокия Саввична Решетникова олохтообут грамотанан, мэтээлинэн наҕараадаланнылар. Кэлбит спортсменнар астына күрэхтэһэн, дуоһуйа кэпсэтэн, олохтоохторго махтанан кэлэр өттүгэр күрэхтэһии көрүҥүн элбэтэн ыытыахха диэн санааларын эттэн үөрэн — көтөн тарҕастылар.