Кулун тутар 13 күнүгэр Аллараа Бэстээх бөһүөлэгэр, «Парус» спортивнай комплекс уораҕайыгар 69 – с төгүлүн ыытыллыбыт Василий Константинович Степанов аатынан култуура уонна спорт эстафета уус-уран оҥоһуктарын быыстапкатын көрүү буолан ааста.

Ольга Семеновна Сосина Мэҥэ Хаҥалас улууһун «Сатабыллаах маастара» ааты ылла, Фёдор Васильевич Скрябин Мэҥэ Хаҥалас улууһун «Мэҥэ Уус» үрүҥ көмүс знак хаһаайынынан буолла.

Быйылгы быыстапкаҕа уопсайа 4 түмсүү, 46 киһи кыттыыны ылла. Уус-уран оҥоһуктар быыстапкатын кыттыылаахтара барыта 146 үлэни туруордулар. Ирдэнэр көрүҥнэринэн уус-уран быыстапканы дьүүллүүр сүбэ көрөн, сыаналаан түмүк маннык буолла: Лауреатар үрдүк аатын ылары ситистилэр: Скрябин Федор Васильевич  мастан оҥоһуктар, Евсеева Наталья Николаевна — кукла оҥоһук, Петров Дмитрий Дмитриевич —  тимиртэн оҥоһук

Дипломаннар:  Сосина Ольга Семеновна туос, кыл — сиэл оҥоһуктар. Шишигина Марфа Иннокентьевна — дьахтар сахалыы таҥаһа. Иванова Зинаида Васильевна — кылтан сиэлтэн сэлээппэлэр. Борисов Александр Афанасьевич — тимиртэн оҥоһуктар. Жиркова Аксинья Васильевна — уруһуй. Ситим түмсүү — сахалыы кыбытык үлэлэр. «Туос тойуга» түмсүү — туос оҥоһуктар. «Айаана» түмсүү — туой оҥоһуктар буоллулар.

69 – с төгүлүн ыытыллыбыт Василий Константинович Степанов аатынан култуура уонна спорт эстафета уус-уран оҥоһуктарын быыстапкатын көрүү 13 хайысхатыгар кыттыыны ылбыт дьоммутугар уонна быыстапка лауреаттарыгар, дипломаннарыгар сылаас истиҥ махтал тылларбытын аныыбыт.

Уус-уран оҥоһуктар быыстапка 4,08 баалынан сыаналанна.